Joom!Fish config error: Default language is inactive!
 
Please check configuration, try to use first active language

ຂ່າວສານປະຊາສຳພັນ
ຂ່າວສານປະຊາສຳພັນ
ການເຂົ້າຮ່ວມພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງອົງການກວດກາພັກ-ລັດ ຄົບຮອບ 35 ປີ PDF Print E-mail
Written by ຜູ້ບໍລິຫານລະບົບ   
Monday, 20 February 2017 13:19

ໃນວັນທີ 16 ກຸມພາ 2017 ກົມກວດກາຕາງໜ້າກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ເຂົ້າ ຮ່ວມພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງອົງການກວດກາພັກ-ລັດ ຄົບຮອບ 35 ປີ (16/02/1982-16/02/2017) ຢູ່ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ. ໂດຍການເປັນກຽດເຂົ້າຮ່ວມຂອງທ່ານ ພັນຄຳ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ ແລະ ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ, ເລຂາທິການສູນກາງພັກ, ຮອງນາຍົກລັດ ຖະມົນຕີ, ປະທານຄະນະກວດກາສູນກາງພັກ ແລະ ອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງ ຫຼວງ.

ມື້ນີ້ແມ່ນເປັນມື້ທີ່ມີຄວາມໝາຍສຳຄັນ ມື້ແຫ່ງການສ້າງຕັ້ງອົງການກວດກາພັກ-ລັດ ທີ່ໄດ້ໝູນວຽນມາບັນຈົບ ຄົບຮອບ 35 ປີ. ໃນພິທີດັ່ງກ່າວແມ່ນໄດ້ຮັບຟັງການປະຖະກາຖາ ແລະ ເລົ່າຄືນມູນເຊື້ອປະຫວັດຄວາມເປັນມາຂອງອົງ ການກວດກາພັກ-ລັດ ຕັ້ງແຕ່ມື້ສ້າງຕັ້ງຈົນຮອດປັດຈຸບັນ ໂດຍທ່ານ ບຸນທອງ ຈິດມະນີ ແລະ ຫຼັງຈາກນັ້ນກໍໄດ້ຮັບຊົມ ແລະ ຮັບຟັງການ ສະແດງສີລະປະດົນຕີຈາກອົງການກວດກາພັກ-ລັດ ແລະ ສີລະປະກອງທັບ, ພິທີມອບຫຼຽນໄຊແຮງ ງານໃຫ້ບັນດາກົ ກອງອ້ອມຂ້າງຄະນະກວດກາສູນກາງພັກ ແລະ ອົງການກວດກາລັດຖະບານ. ຫຼັງຈາກສຳເລັດພິທີດັ່ງ ກ່າວແມ່ນໄດ້ຊົມການວາງສະແດງຮູບພາບການເຄື່ອນໄຫວວຽກງານກວດກາຂອງບັນດາກະຊວງ, ບັນດາແຂວງ ແລະ ນະຄອນຫຼວງວຽງຈັນ ໃນຂອບເຂດທົ່ວປະເທດ.

Last Updated on Monday, 20 February 2017 14:57
 
<< Start < Prev 1 2 Next > End >>

Page 1 of 2